Dtjytyk

Moderne passasjerskip for turistar.

Eit moderne skip.

Seglskuta USS «Constitution» saman med mindre seglbåtar.

Foto: Todd Stevens

Hangarskip.

Moderne militærskip på ei sams øving.

Foto: I. Cutler

Skip eller skute er ein større farkost ein kan segla med. Dei fleste skipa er store båtar, men ordet har også blitt brukt om fargreier som har oppstått i nyare tid—luftskip og romskip.

Skip er ofte havgåande farkostar med plass til mykje last eller passasjerar. Dei har mogleggjort globaliseringa av verda gjennom å tillata lange reiser og handel over hav.

Soge |

Den første hovudmåten å segla på var ved hjelp av segl, tidvis med støtte frå årer. Egyptiske seglskip blei brukte på Nilen og Raudehavet frå 2000-talet f.Kr. Det første skipsnamnet me kjenner til er «Lovprising for dei to landa», om eit skip som høyrde til farao Sneferu, på ei innskrift frå 2613 f.Kr. Seinare utvikla ulike folkeslag samband og herredøme over delar av Middelhavet, Arabiahavet og Indiahavet.

Ein brukte astronomisk navigasjon fram til eit magnetisk kompass blei utvikla, først i Kina rundt 1100, seinare i ein tørr europeisk versjon før 1300. Dette, og utviklinga av stabile og manøvrerbare skipstypar som kinesisk skatteskip og europeisk karavell, gjorde det mogleg å ta sjøvegen mellom alle verdsdelar under oppdagingstida. Dette opna for både jordomseglingar, utvandring og kolonisering.

Fram mot 1800-talet blei det bygd stadig større og raskare seglskip, som klipperar og linjeskip. Desse blei i stor grad erstatta av dampskip, skip bygde av metall og drivne med nyvinninga dampmaskina. Seinare er det utvikla store skip, til dømes tankskip, kontainerskip og ulike militærskip, med ulike slag olje som drivstoff.

Annan bruk av ordet |

Kyrkjeskip, ein del av ei kyrkje, er også avleidd av ordet «skip».

Kjelder |

• 
  «skip» i Nynorskordboka. og «skute» i Nynorskordboka.

Bakgrunnsstoff |

Commons har multimedia som gjeld: Skip

Denne transportartikkelen er ei spire. Du kan hjelpe Nynorsk Wikipedia gjennom å utvide han.