Henrik Hagerup
| Henrik Hagerup | |
 | |
| Fødd | 23. april 1806 Kalundborg |
|---|---|
| Død | 29. mai 1859 |
| Nasjonalitet | Noreg |
| Yrke | politikar |
| Utdanna ved | Sjøkrigsskulen |
| Far | Caspar Peter Hagerup |
| Barn | Francis Hagerup, Henrik Steffens Hagerup |
| Medlem | Det Kongelige Norske Videnskabers Selskab |
Henrik Steffens Hagerup (23. april 1806–28. mai 1859) var ein dansk-norsk offiser, stortingsmann og statsråd, fødd i Kalundborg i Danmark og død i Karlsbad. Han var far til Francis Hagerup.
Far til Hagerup var borgarmeister i Trondheim. Sjølv gjekk han frå 1819 til -24 sjøkadettinstituttet i Fredriksværn. Deretter studerte han i Breslau og 1826-27 gjekk han på Den militære høgskulen i Christiania. Frå 1828 til -32 var han hydrograf ved kystoppmålinga i Nord-Noreg. Etter to år som skipper i fraktfart på Amerika, arbeidde han åra 1835-38 som trigonometrist under den geografiske oppmålinga av kyststroka i Troms og Finnmark. I tida 1840-44 var han lærar i artilleriet ved sjøkadettinstituttet. Han var medlem i fleire kommisjonar, mellom dei om loslova i 1849 og planlegginga av den framtidige sjøstyrken til det norske riket.
Hagerup representerte Jarlsberg og Larvik amt på Stortinget i tida 1848-54. I 1848 var han medlem i Militærkomiteen, Valkomiteen og komiteane om krigen i Danmark, om statslånet og om vernepliktslova. Tre år seinare var han med i Militærkomite nr 1, Valkomiteen, Adressekomiteen og komiteane om trykking og jarnbaneanlegg. I 1854 sat han i Militærkomiteen, Valkomiteen og komiteen om nøytralitetsløyvingar. 21. mars 1856 vart Hagerup utnemnd til statsråd og sjef for Marinedepartementet. Same året vart han forfremja til kontreadmiral.
Kjelder |
Lindstøl, Tallak: Stortinget og Statsraadet 1814-1914. Kristiania, 1914
|
