Bay of Plenty
Bay of Plenty Bay of Plenty Regional Council | |
Land: |  New Zealand |
 | |
Regionstyre | |
|---|---|
| Namn: | Environment Bay of Plenty |
| Leiar: | John Cronin |
| Folketal: | 262,900 Estimert juni 2006 |
| Areal: | 12 277 km² |
| Heimeside: | http://www.envbop.govt.nz |
| Større og mindre byar | |
| Større byar: | Tauranga, Rotorua, Whakatane |
| Mindre byar: | Te Puke, Taneatua, Edgecumbe, Opotiki, Kawerau, Murupara, Ohope, Matata, Maketu, Mount Maunganui, Ngongotaha |
| Distrikt | |
| Namn: | Tauranga City Del av Rotorua District Whakatane District Western Bay of Plenty District Kawerau District Opotiki District Del av Taupo District |
| Heimesider: | http://www.tauranga.govt.nz http://www.rdc.govt.nz http://www.whakatane.govt.nz http://www.wbopdc.govt.nz http://www.kaweraudc.govt.nz http://www.odc.govt.nz |
Bay of Plenty (maori Te Moana-a-Toi), ofte avkorta til BoP, er ein region på Nordøya på New Zealand, eit landområde som ligg innanfor havbukta med same namn. Den største byen i Bay of Plenty er Tauranga, i den vestlege delen.
Innhaldsliste
1 Sjølve havbukta
2 Regionen
3 Referansar
4 Bakgrunnsstoff
Sjølve havbukta |
Bay of Plenty
Bukta strekkjer seg frå basis av halvøya Coromandel Peninsula i vest til Cape Runaway i aust. Området er avgrensa av åsrekkjene Kaimai og Mamaku Ranges mot vest, og strekkjer seg innover i landet til dei sparsamt busette skogområda kring Rotorua, Kawerau og Murupara.
Fleire øyer ligg ute i bukta, mellom desse Mayor Island/Tuhua, Motiti Island, Whale Island og, mest kjend, den aktive vulkanen på øya Whakaari/White Island.
Bukta vart namngjeven av kaptein James Cook ein gong i november 1769. Cook gav henne namnet Bay of Plenty («overflodsbukta») etter at han la merke til dei overveldande matlagra i fleire māorilandsbyar han vitja langs kysten; i sterk motsetning til dei observasjonane han tidlegare hadde gjort i Poverty Bay («fattigdomsbukta»).
Regionen |
Kart over folketettleiken i Bay of Plenty ved folketeljinga i 2006. Klikk på kartet for å sjå teiknforklaringa.
Regionen hadde ved folketeljinga i 2006 eit folketal på 257 379 [1], som ein stipulerer vil auka til 277 900 i året 2011. Av innbyggjarane rekna 28% seg som etniske māoriar. 23% var under 15 år, og 3,9% utan arbeid.[1]
To byar dominerer Bay of Islands: Tauranga (folketal 103 635)[1] og Rotorua (folketal 65 901)[1]. Som eit kompromiss mellom byane, vart byen Whakatane i 1989 vald til sete for regionstyret. I 2007 vart det likevel bestemt at Tauranga skulle ta over denne rolla.[2]. Andre byar i regionen omfattar Te Puke, Kawerau, Katikati og Opotiki. Jordbruk og turisme er dei to hovudnæringsvegane i regionen, og det geotermiske området kring Roturoa er eit populært turistmål.
Regionen er skogkledd, mykje av skogen er kommersielt planta og ivareteken, og det er dessutan eit utstrekt jordbruk i området. Klimaet i kystsona er nesten tropisk, både fuktig og varmt året rundt. I innlandet derimot, kring Roturoa, er gjennomsnittstemperaturen generelt sett 2°C kjøligare. Viktige produkt er kiwi, eple, avocado og tømmer. Som i det meste av New Zealand er sauehald vanleg, men produksjon av mjølkeprodukt og kjøt frå storfe er i aukande grad i ferd med å overta for sauehaldet.
Vegnettet har vorte utbygd i aukande grad, særskilt vest i Bay of Plenty, på grunn av tiltakande vegtransport av tømmer til hovudhamna i Tauranga. Jarnvegslinjer går mellom Tauranga og Waikatoregionen og til den austlege delen av bukta, men desse fraktar berre gods.
Referansar |
↑ 1,01,11,21,3 Statistics New Zealand, folketeljinga i 2006
↑ Environment Bay of Plenty
- Denne artikkelen bygger på «Bay of Plenty» frå Wikipedia på engelsk, den 19. februar 2008.
Bakgrunnsstoff |
Regionar på New Zealand | ||
|---|---|---|
| Nordøya | Northland · Auckland¹ · Waikato · Bay of Plenty · Gisborne¹ · Hawke's Bay · Taranaki · Manawatu-Wanganui · Wellington |  |
| Sørøya | Tasman¹ · Marlborough¹ · Nelson¹ · West Coast · Canterbury · Otago · Southland | |
¹ Sameint styresmakt | ||
|
