Dtjytyk

Slaget ved Almenar
Del av den spanske arvefølgjekrigen
Dato 27. juli 1710 Stad Åsane i Almenar, nær Balaguer (Catalonia) i Spania Resultat Alliert siger
Partar
Spania	Habsburg Austerrike  Storbritannia  Dei sameinte Nederlanda
Kommandantar
Francisco de Villadarias	Guido Starhemberg Lord Stanhope
Styrkar
22 000[1]	24 000[1]
Tap
1 000 døde 3 000 krigsfangar	400 døde

Slaget ved Almenar fann stad den 27. juli 1710 under den spanske arvefølgjekrigen, mellom soldatane til Filip V og erkehertug Karl av Austerrike. Armeen til Filip V vart slått og tvungen til å trekkje seg ut av Catalonia og samlast saman på ny på andre sida av Ebro.

Opptakt |

Våren 1710 hadde den spanske armeen gått inn i Catalonia frå Aragón og kryssa elva Segre den 15. mars. Den 3. mai slo Filip V, den bourbonske kandidaten til trona, seg saman med armeen.

Den motståande armeen, som bestod av austerrikske, britiske og nederlandske soldatar, fekk med seg erkehertug Karl av Austerrike, den habsburgske kandidaten, i juni.

I juli fekk general Guido Starhemberg forsterkingar og valte å gå til åtak. Han kryssa elva Noguera og sett opp stillingar i høgdene i Almenar.

Stanhope kryssa så Segre ved Balaguer (nord for Lerida) og marsjerte mot brua ved Alfarras, og kryssa denne den 27. juli.

Slaget |

Villadarias opna slaget med eit kavaleriåtak som først var ein suksess, men initiativet var bortkasta då dei forfølgde flyktande fiendar. Det britiske infanteriet gjekk så til åtak på venstreflanken, som flykta, og tok den andre linja i tillegg. Austerrikarane gjekk så til åtak og øydela høgreflanken, der Filip V risikerte livet sitt og nesten vart teken til fange av dei allierte.

Etterverknad |

Dei spanske soldatane måtte forlate Catalonia og trekkje seg attende til Aragón, der slaget ved Saragossa fann stad den 20. august.

Villadarias vart fjerna som kommandant og erstatta av marki de Bay.

Kjelder |