Dtjytyk

Treng oppdatering: Denne artikkelen eller seksjonen er ikkje oppdatert med ny utvikling eller ny informasjon. Du kan hjelpe Nynorsk Wikipedia gjennom å oppdatere han.

Ole Gunnar Solskjær
Statsborgarskap	Noreg
Fødd	26. februar 1973 Kristiansund
Idrett	fotball
Yrke	fotballspelar, fotballtrenar

Ole Gunnar Solskjær (fødd 26. februar 1973 i Kristiansund) er ein tidlegare norsk fotballspelar mest kjend som spelar for Manchester United F.C. frå 1996 til 2007. Han har jobba som fotballtrenar for Molde Fotballklubb sidan januar 2011.

Karriere |

Solskjær debuterte for Clausenengen som 17-åring. For Clausenengen laga han 115 mål på 109 kampar. Siste året i Clausenengen i 2. divisjon skora han 31 av laget sine 47 mål, før han vart henta av Åge Hareide og Molde i 1994 for 200 000 kr. Solskjær skora 21 mål for Molde første året i klubben og vart òg teken ut i landslagstroppen. Etter halvtanna år i Molde vart han henta av Alex Ferguson til Manchester United, der han spelte frå 1996/97-sesongen til 2007/2008-sesongen. Totalt skora han 115 mål på 329 kampar for Manchester United.

I 1999 avgjorde Solskjær Champions League-finalen mot Bayern München då han sette inn vinnarmålet to minuttar på overtid.

27. august 2007 la Solskjær opp grunna kneskader. Kneskaden har vore under operasjon sju gonger. Solskjær spelte til saman 67 landskampar og skora 23 mål for Noreg.

Solskjær har no starta som fotballtrenar i Molde Fotballklubb, der han har gjort ein svært god sesong til noverande tidspunkt.

Utmerkingar |

• Den 24. oktober 2008 vart det kunngjort at H. M. Kongen hadde utnemnt Ole Gunnar Solskjær til riddar av 1. klasse av Den Kongelege Norske St. Olavs Orden for hans tyding som rollemodell. Ordensoverrekkinga vart gjort ved kansellisjef Egil Vindorum 25. oktober 2008 i Kristiansund.


• I 2009 vart Solskjær tildelt Peer Gynt-prisen.


• Solskjær har også vunne Kniksen-prisen sin ærespris.

Karriere som spelar (alle turneringar) |

Klubb	Kampar	Mål	Tidsrom
Clausenengen	109	115	1990-1994
Molde FK	42	31	1994-1996
Manchester United F.C.	366	126	1996 - 2007

Bakgrunnsstoff |

• Ole Gunnar Solskjær sin profil på united.no


• Ole Gunnar Solskjær sin profil på manutd.com (engelsk)

v • d • e Noreg sin tropp – VM i fotball 1998
1 Grodås (kaptein) • 2 Halle • 3 Johnsen • 4 Berg • 5 Bjørnebye • 6 Solbakken • 7 Mykland • 8 Leonhardsen • 9 T. Flo • 10 Rekdal • 11 Jakobsen • 12 Myhre • 13 Baardsen • 14 Heggem • 15 Eggen • 16 J. Flo • 17 H. Flo • 18 Østenstad • 19 Hoftun • 20 Solskjær • 21 Riseth • 22 Strand • Trenar: Olsen

v • d • e Noreg sin tropp – EM i fotball 2000
1 Myhre • 2 Bergdølmo • 3 Bragstad • 4 Berg (lagkaptein) • 5 Andersen • 6 Strand • 7 Mykland • 8 Solbakken • 9 T. Flo • 10 Rekdal • 11 Skammelsrud • 12 Olsen • 13 M. Bakke • 14 Heggem • 15 Riise • 16 Eggen • 17 Carew • 18 Iversen • 19 E. Bakke • 20 Solskjær • 21 Riseth • 22 Bjørnebye • Trenar: Semb