Dtjytyk

Framandlegionærar på den franske nasjonaldagen 14. juli.

Foto: David Monniaux

Framandlegionen (fransk Légion Étrangère) er ei militæreining i den franske hæren. Han vart danna i 1831 i fransk Nord-Afrika etter juli-revolusjonen i Frankrike. Legionen vart danna fordi utanlandske friviljuge ikkje lenger kunne verve seg til det ordinære militæret.

Dei fleste offiserane i Framandlegionen er franske, men dei meinige er samansett av mange forskjellige nasjonalitetar (mellom anna franskmenn). Etter å ha tenestegjort i legionen i tre år kan legionæren søkje om fransk statsborgarskap. Alle legionærar blir innrullert under pseudonym, men kan få tilbake den opphavlege identiteten sin etter eitt år ved å gjennomgå «régularisation de situation militaire» (RSM). Berre legionærar som har gjennomgått RSM kan få fransk statsborgarskap.

I hovudsak var Legionen eit prosjekt for å utvide det Franske koloniale imperium på 1800-talet. Legionen har også hatt ein stor rolle i krigar med andre europeiske stormakter i krigar som 1. og 2. verdskrig.

Tidlegare hadde Framandlegionen eit rykte for å tiltrekkje seg leigesoldatar og rømlingar. I dei seinare år har rekrutteringa til legionen blitt avgrensa og det blir gjort bakgrunnssjekk på alle søkjarar.

Det noverande hovudkvarteret ligg i Aubagne, like utanfor Marseille.

Oppsetjing |

• I Frankrike
  
  • 1. regiment (Régiment Étranger) (1er RE), stasjonert i Aubagne
    
  
  
  • 2. infanteriregiment (Régiment Étranger d'Infanterie) (2e REI), stasjonert i Nîmes
    
  
  
  • 4. øvingsregiment (Régiment Étranger) (4e RE), stasjonert i Castelnaudary
    
  
  
  • 1. stridsvognregiment (Régiment Étranger de Cavalerie) (1er REC), pansra regiment stasjonert i Orange
    
  
  


• 1. ingeniørregiment (Régiment Étranger de Génie) (1er REG), stasjonert i Laudun
  


• 2. ingeniørregiment (Régiment Étranger de Génie) (2e REG), stasjonert i Saint-Christol i Vaucluse
  

• På Korsika
  
  • 2. fallskjermregiment (Régiment Étranger de Parachutistes) (2e REP), stasjonert i Calvi
    


• I dei franske oversjøiske territoria
  
  • 3. infanteriregiment (Régiment Étranger d'Infanterie) (3e REI), stasjonert i Kourou, Fransk Guyana.
  
  
  • Detasjement (Détachement de Légion Étrangère de Mayotte) (DLEM), detasjement stasjonert på Mayotte.
  
  


• Afrika
  
  • 13. halvbrigade (Demi-Brigade de Légion Étrangère) (3e DBLE), stasjonert i Djibouti.

Kjelder |

Bakgrunnsstoff |

Wikimedia Commons har multimedia som gjeld: Framandlegionen

• French Foreign Legion - Le Recrutement


• The French Foreign Legion