Orsa kommun
| Orsa kommun | ||
kommune | ||
 | ||
| ||
| Land |  Sverige | |
|---|---|---|
Len | Dalarnas län | |
Landskap | Dalarna | |
Centralort | Orsa | |
| Areal | 1 808,13 km² | |
| - land | 1 742,27 km² | |
| - vatn | 65,86 km² | |
| Folketal | 7 091 | |
| Folketettleik | 4 / km² | |
 | ||
Wikimedia Commons: Orsa Municipality | ||
Nettstad: www.orsa.se | ||
Orsa kommun er ein kommune i Dalarnas län i Sverige. Kommunen grensar til to andre kommunar i Dalarnas län, Rättviks kommun i aust og Mora kommun i sør og vest. I tillegg grensar kommunen til Ljusdals kommun i Gävleborgs län i nord og Härjedalens kommun i Jämtlands län i nordaust. Administrasjonssenteret i kommunen er Orsa, som ligg 15 km nord for Mora.
Nord i Orsa kommun finn ein mykje furuskog i næringsfattig morenejord, men i sør er det ein meir fruktbar og artsrik sedimentberggrunn, mellom innsjøane Skattungen og Orsasjön. Det er også mykje myrmark i kommunen. Næringslivet er dominert av treindustri og turisme. Ein kjend attraksjon i kommunen er Orsa Grönklitt, som er eit skisenter og ein bjørnepark.
Innhaldsliste
1 Administrativ historikk
2 Kommunevåpenet
3 Tettstader
4 Kjelder
5 Fotnote
Administrativ historikk |
Orsa kommun omfattar i dag det same området som ved innføringa av kommunar i 1863. Administrasjonssenteret Orsa var municipalsamhälle frå 1902 til 1966.
Kommunevåpenet |
Blasonering: På gullbakgrunn, tre raude orsaslipesteinar, to øvst og éin nedst.[1]
Slipesteinproduksjon har føregått svært lenge i området og slipesteinen finst òg på eit soknsegl frå 1720. Våpenet vart fastsett av kongen i 1943. [2]. Det vart ikkje gjort nokon endringar i kommunen i samband med inndelingsreformene på 1950- og 1970-talet, men våpenet vart registrert hjå Patent- och registreringsverket ifølgje dei nye reglane for kommunevåpen i 1974.
Tettstader |
Det er to tettstader i Orsa kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
| Nr. | Tettstad | Folketal |
|---|---|---|
| 1. | Orsa | 5 278 |
| 2. | Skattungbyn | 266 |
Kjelder |
- Artikkelen var opphavleg basert på ei omsetjing av «Orsa kommun» på Wikipedia på svensk.
- «Orsa» på Store Norske Leksikon.
Fotnote |
↑ «I fält av guld tre röda orsaslipstenar, ordnade två och en».
↑ Per Andersson: Svensk vapenbok för köpingar, municipalsamhällen och landskommuner 1863-1979. Draking 1994
Kommunar i Dalarnas län i Sverige | ||
|---|---|---|
Avesta · Borlänge · Falun · Gagnef · Hedemora · Leksand · Ludvika · Malung-Sälen · Mora · Orsa · Rättvik · Smedjebacken · Säter · Vansbro · Älvdalen |  | |
Sjå òg: Liste over Sveriges kommunar | ||
|
