Arbil
Feil i uttrykket: Uventa tal
| Arbil | |
kurdisk ههولێر, Hewlêr; arabisk اربيل, Arbil, tyrkisk Erbil, assyrisk Arbela | |
| by | |
 | |
| Land |  Irak |
|---|---|
| Region | Kurdistan |
| Folketal | 1 100 000 |
Wikimedia Commons: Arbil | |
Arbil er den fjerde største byen i Irak og hovudstad for den sjølvstyrande regionen Kurdistan i Irak og for provinsen Arbil. Han hadde eit estimert folketal på 1,1 millionar i 2003,[1] men har sidan dette vore den raskast veksande byen i Irak.[2] Arbil er blant byane i verda med lengst samanhengande busetnad; han er nemnd i brev frå 2000-talet f.Kr.[1]
Arbil ligg rundt 8 mil nordaust for Mosul ved forfjella til Zargosfjella. Byen ligg rundt ein kunstig topp (tell) der sitadellet i Arbil no ligg.
Frå basaren i Arbil.
Byen har alltid lege nær handelsruter, i dag særleg mellom Sulaimaniya, Duhok og Kirkuk. Han har vegsamband til Syria, Tyrkia og Iran, og har jernbanestasjon og internasjonal flyplass.
Dei fleste innbyggjarane i byen er kurdarar med mindre grupper assyrarar, arabarar og turkmenarar. Størsteparten er sunnimuslimar, men eit stort mindretal er kristne.[3]
Bakgrunnsstoff |
Kjelder |
↑ 1,01,1 Arbīl, britannica.com
↑ About Erbil, ierbil.com
↑ Introduction, erbil-capital.org
Denne geografiartikkelen som har med Irak å gjere er ei spire. Du kan hjelpe Nynorsk Wikipedia gjennom å utvide han. 
