Dtjytyk

	Dhahran;
	; arabisk الظهران, ad-Dahrān;
	by;
	; ;
Land;	; Saudi-Arabia;
; Region;	; Austprovinsen;
	;
Høgd;	17 moh.;
Koordinatar;	; 26°16′N 50°09′E;
	;
Areal;	100 km²;
- vatn;	0 km²;
	;
Folketal;	138 135 (2012);
Folketettleik;	; 1 381 / km²;
	;
	;
Borgarmeister;	Bandar Al-Subayi;
	;
Tidssone;	; EAT (UTC+3);
Postnummer;	31261;
Retningsnummer;	+966-13;
	;
	; ; ; ; ; ; ;
	; Wikimedia Commons: Dhahran;
	;

Koordinatar: 26°16′N 50°09′E

Dhahran (arabisk الظهران, aẓ-Ẓahrān) er ein by i Austprovinsen i Saudi-Arabia. Han er eit stort administrativt senter for saudiarabisk oljeindustri. I lag med dei nærliggande byane Ad Dammam og Al Khobar, dannar Dhahran ein del av Dammam storbyområde eller Stor-Dammam med eit estimert folketal på kring 4,1 millionar innbyggjarar (2012).

Det vart funne store oljereservar i Dhahran-området i 1931, og i 1935 bora Standard Oil den oljebrunnen som kunne utnyttast kommersielt. Standard Oil oppretta sidan eit dotterselskap i Saudi-Arabia kalla Arabian American Oil Company (ARAMCO), som i dag er blitt eit heilt statseigd selskap og kalla Saudi Aramco. Dhahran har vore hovudkvarteret til Saudi Aramco i 80 år og det første og største inngjerda bustadområde med meir enn 9 700 innbyggjarar.

Innhaldsliste

1 Geografi

2 Klima

3 Historie

4 Økonomi

5 Demografi

6 Kjelder

7 Bakgrunnsstoff

Geografi |

Dhahran ligg like vest for sentrum av Khobar. Han ligg 15 km sør for Dammam. Begge er eldre, saudiarabiske hamnebyar ved kysten av Persiabukta. Lenger unna ligg Abqaiq i nordaust og Qatif i søraust, og enno lenger nord ligg Ras Tanura, ei stor oljeeksporthamn. Øya Bahrain ligg òg i kort køyreavstand i aust (kring 35 km), over Kong Fahd-vegfyllinga, frå Khobar.

Klima |

Klimaet i Dhahran er prega av lange, varme og fuktige somrar, og milde vintrar. Temperaturane stig til over 40 ºC om sommaren saman med særs høg luftfukt på 85—100 %. Varmerekorden i Dhahran er 51,1 °C.^[1] Om vinteren fell tempeaturen sjeldan under -2 °C, og kulderekorden er på −5 °C frå januar 1964.^[2] Regn kjem det nesten berre mellom november og mai. Shamal-vinden bles vanlegvis gjennom byen tidleg på sommaren, og fører til sandstormar som kan redusere sikta til nokre få meter. DEsse vindane kan vare i opp til seks månader.

Den 8. juli 2003 var doggpunktet i byen målt til 35 ºC, medan temperaturen var 42 ºC. Dette gav ein følt temperatur på 78-79 ºC, ein av dei høgaste følte temperaturane som er målt i verda.^[3]

Klimadata for Dhahran, Saudi-Arabia
Månad	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Varmerekord °C	30	36.2	38.8	45	51.1	49	49	48.5	46.6	44.5	37.5	31	51,1
Normal maks. temp. °C	20.8	22.3	25.6	32.4	38.7	41.7	43.3	42.4	40.3	35.6	28.9	23.2	32 93
Døgnmiddeltemp. °C	15.5	16.7	20.6	25	30.6	33.4	35.2	34.4	31.9	27.9	22.3	17	25 88
Normal min. temp. °C	10.2	11.5	14.7	19.7	24.6	27.5	28.9	28.7	25.6	22	17.1	12.4	10,2
Kulderekord °C	-4	3	6	10	14	19.4	21	19.5	18.5	13.4	8	3.4	-4
Nedbør (mm)	17.7	15.2	35.3	3.5	1.2	0	0	0	0	0.3	18.6	15.7
% relativ fukt	73	68	60	55	43	34	36	44	53	60	64	66	54,7
Kjelde nr. 1: Hong Kong Observatory (1981–2000)^[4]
Kjelde nr. 2: NOAA (extremes and fukt, 1961-1990)^[2]

Historie |

Dhahran vart grunnlagd i 1938, då det vart oppdaga olje i nærleiken.^[5]

Under andre verdskrigen den 19. oktober 1940, vart Dhahran angripen av det italienske luftforsvaret (Regia Aeronautica) som ein del av bombinga av Bahrain, men fekk få skadar. I 1950 hadde Dhahran eit folketal på kring 7 000 innbyggjarar.^[6] Under Golfkrigen var byen åstad for kampar og dei største tapa av liv for koalisjonsstyrkane. Den 25. februar 1991 råka eit irakisk missil ein amerikansk forlegning i byen og tok livet av 28 amerikanske soldatar frå Pennsylvania.

Økonomi |

Dhahran har hovudkvarter i Saudi Aramco.^[7] Selskapet er det største oljeselskapet i verda med dei største oljereservane i verda,^[8] og dei produserer kring 10 millionar fat olje kvar dag. Det meste av olja vert eksportert, sidan saudiarabarane sjølv berre krev kring 12 % av den samla produksjonen sin.

Demografi |

Dei fleste innbyggjarane i Dhahran er saudiarabarar, men her bur òg mange utanlandske arbeidarar frå asiatiske land som Bangladesh, India, Indonesia, Nepal, Pakistan og Filippinane, i tillegg til land som USA, Canada, Europa, Tyrkia, Sør-Afrika, Australia og New Zealand. I 1993 var folketalet 73 691.^[9] I 2004 hadde folketalet auka til 97 446.

Kjelder |

Denne artikkelen bygger på «Dhahran» frå Wikipedia på engelsk, den 25. mai 2016.
- Wikipedia på engelsk oppgav desse kjeldene:

↑ «Extreme Temperatures Around the World». Henta 17. desember 2015.

↑ ^2,0^2,1 «Climate Normals for Dhahran». National Oceanic and Atmospheric Administration. Henta 17. desember 2015.

↑ Samenow, Jason (3. juli 2013). «Washington, D.C. can feel hotter than Death Valley at its hottest». The Washington Post.

↑ «Climatological Information for Dhahran i Saudi-Arabia». Hong Kong Observatory. Henta 17. desember 2015.

↑ Cohen, Saul B. The Columbia Gazeteer of the World (New York: Columbia University Press, 1998) s. 828

↑ Columbia-Lippincott Gazeteer (New York: Columbia University Press, 1952) s. 510

↑ "
Contact Us." Saudi Aramco. Henta 5. november 2009.

↑ Some interesting oil industry statistics Gibson Consulting. Henta 20. januar 2014.

↑ «Dhahran». The Columbia Encyclopedia (6th utg.). The Columbia University. 2013. Henta 16. september 2013. Mal:Subscription required

Bakgrunnsstoff |

Wikimedia Commons har multimedia som gjeld: Dhahran

Dhahran by

Aramco expats

[1] «Extreme Temperatures Around the World». Henta 17. desember 2015.

[NOAA-2] 2,0^2,1 «Climate Normals for Dhahran». National Oceanic and Atmospheric Administration. Henta 17. desember 2015.

[3] Samenow, Jason (3. juli 2013). «Washington, D.C. can feel hotter than Death Valley at its hottest». The Washington Post.

[4] «Climatological Information for Dhahran i Saudi-Arabia». Hong Kong Observatory. Henta 17. desember 2015.

[5] Cohen, Saul B. The Columbia Gazeteer of the World (New York: Columbia University Press, 1998) s. 828

[6] Columbia-Lippincott Gazeteer (New York: Columbia University Press, 1952) s. 510

[7] "
Contact Us." Saudi Aramco. Henta 5. november 2009.

[8] Some interesting oil industry statistics Gibson Consulting. Henta 20. januar 2014.

[colen-9] «Dhahran». The Columbia Encyclopedia (6th utg.). The Columbia University. 2013. Henta 16. september 2013. Mal:Subscription required

搜尋此網誌