Dtjytyk

Obstruent er ei samnemning for desse typane språklydar:

• 
  Orale lukkelydar – til dømes [p b p' t d t' k ɡ k']^[1]


• 
  Klikklydar – til dømes [kǀ k! kǂ kǁ ɡǀ ɡ! ɡǂ ɡǁ ŋǀ ŋ! ŋǂ ŋǁ ]


• 
  Affrikatar – til dømes [ʦ ʣ ʦ' ʧ ʤ ʧ']^[2]


• 
  Frikativar – til dømes [f v f' s z s' ʃ ʒ ʃ' x ɣ]^[3]

Ein språklyd som ikkje er ein obstruent, er ein sonorant.

Definisjon |

Obstruenten kan definerast ein oral språklyd som har ei så sterk innsnevring i talekanalen (svelget eller munnhola) at det anten oppstår eit fullstendig lukke (som ved plosivar og affrikatar) eller at det oppstår høyrbar friksjon (som ved affrikatar og frikativar).

Etymologi |

Ordet obstruent er danna av det latinske verbet obstruō 'mure att, stengje'.

Fotnotar |

1. 
   ↑ [p b t d k ɡ] er plosivar (det vil seie pulmonisk egressive orale lukkelydar, medan [p' t' k'] er glottalisk egressive orale lukkelydar, eller ein undergruppe av ejektivane.
   


2. 
   ↑ [ʦ ʣ ʧ ʤ] er pulmonisk egressive, medan [ʦ' ʧ'] er glottalisk egressive.
   


3. 
   ↑ [f v s z ʃ ʒ x ɣ] er pulmonisk egressive, medan [f' s' ʃ'] er glottalisk egressive.