Palmeolje
Raud palmeolje i ei panne.
Raffinert palmeolje.
Palmeolje er ein type vegetabilsk olje vunne ut frå frukta til visse palmar, særleg oljepalme (Elaeis guineensis), men også Elaeis oleifera og Attalea maripa. Ho blir brukt som næringsmiddel, til reingjeringsprodukt og kosmetikk og kan også brukast til å laga biodiesel.
Palmeolje og kokosolje er av dei få vegetabilske oljene som inneheld ein relativt stor del metta feitt, særleg palmitinsyre. Eit anna viktig stoff i palmeolje er oljesyre.
Olja er naturleg raudleg av farge fordi ho inneheld store mengder betakaroten, eit fargestoff som blir omdanna til A-vitamin i kroppen. Handsaming av olja, som raffinering og bleiking, kan fjerna lukt og farge frå produktet.
Frukta til oljepalme (Elaeis guineensis).
Produksjon |
Palmeolje er ei av dei mest produserte vegetabilske oljene i verda. Indonesia og Malaysia er dei største produsentlanda.[1] Stadig fleire land har sats på produksjon av palmeolje både til ernæring og for biodrivstoff.[2] Paradoksalt nok har auka fokusering på biodrivstoff som eit miljøvennleg alternativ til petroleumsprodukt ført til avskoging av regnskog og drenering av torvmyrer.[3]
Kjelder |
- Denne artikkelen bygger på «Palmeolje» frå Wikipedia på bokmål, og «Palm oil» frå Wikipedia på engelsk den 12. juli 2015.
↑ Statistikk frå United States Department of Agriculture
↑ Statistikk frå United States Department of Agriculture
↑ Regnskog i handlevogna – regnskogfondet.no Hentet 28. juni 2012
Bakgrunnsstoff |
Forbrukerportalen: Palmeolje. Usunn for kropp og klode, publisert 29.05.2008
Regnskogfondet Fakta om palmeolje: Regnskog i handlevogna, publisert 29.03.2011
Palmeoljeguiden: Oversikt over palmeoljeinnhold i ulike matvarer, publisert 08.12.2011
|
