Femunden
| Femunden | |
innsjø | |
 | |
| Land |  Noreg |
|---|---|
| Fylke | Hedmark, Trøndelag |
| Kommunar | Engerdal, Røros |
| Utløp | Femnundselva |
| Høgd over havet | 662 moh |
| Areal | 203,52 km² |
| Største djupn | 132 m |
| Volum | 6,00 km³ |
| Kystlengd1 | 234,92 km |
| Koordinatar | Koordinatar: |
Wikimedia Commons: Femund | |
1 Kystlengd er eit unøyaktig mål som kanskje ikkje er standardisert for denne artikkelen. | |
Femunden er den tredje største innsjøen i Noreg. Sjøen var nest størst fram til 1957 då Røssvatnet vart regulert. Han ligg hovudsakleg i Engerdal kommune i Hedmark fylke, men den nordlegaste delen av innsjøen ligg i Røros kommune i Trøndelag. Femunden har eit areal på 203,3 km², ligg 662 moh. og er 132 meter djup.
Kart over Femunden.
Dei viktigaste elvene som renn inn i Femunden er Tufsinga i vest og Røa i nordaust. Deltaet til Tufsinga blei freda i 1981 då Tufsingdeltaet naturreservat blei oppretta. Elva Røa kjem frå Rogen, ein innsjø på grensa mellom Noreg og Sverige, og ho renn gjennom Femundsmarka nasjonalpark.
Kanofarar i uvêr ved Femunden.
Femunden har to utløp. Størst er elva Gløta i sør, som renn ut i Isteren og som lengre ned i vassdraget blir til Femundselva. Denne elva endrar namn til Trysilelva når ho kjem inn i Trysil kommune og til Klarälven når ho renn inn i Värmland i Sverige. Femunden har òg eit mindre utløp i nord mot Feragen og Håelva i Trøndelag.
Innsjøen er særs næringsfattig, men har likevel heile ni artar fisk. Sikbestanden er særleg stor, men det finst òg aure, røye, harr, ørekyt, åbor, hork, lake og gjedde her.
I turistsesongen vert innsjøen traffikert av «Femund II» med anløp i Femundsenden (sør), Buvika, Elgå, Revlingen, Jonasvollen, Haugen, Femundshytta, Røa og Sørvika (nord). Det er bussamband mellom Sørvika og Røros, og mellom Femundsenden og Trysil.
Femundsvassdraget inkludert Femunden er verna mot vasskraftutbygging.
Denne artikkelen manglar kjelder eller referansar. Hjelp Wikipedia med å finna truverdige kjelder!
|
